Carl Gustav Jung (26 de xunetu de 1875, Kesswil (es) – 6 de xunu de 1961, Küsnacht (es) ) foi un médicu siquiatra, sicólogu y ensayista suizu, figura clave na etapa inicial del psicoanálisis; darréu, fundador de la escuela de psicoloxía analítica, tamién llamada psicoloxía de los complexos y psicoloxía fonda.
Rellaciónase-y de cutiu con Sigmund Freud, de quien fuera collaborador nos sos empiezos. Jung foi un pioneru de la psicoloxía fonda y unu de los estudiosos d'esta disciplina más llargamente lleíos nel sieglu XX. El so abordaxe teóricu y clínicu enfatizó la conexón funcional ente la estructura de la psique y la de los sos productos, esto ye, les sos manifestaciones culturales. Esto impulsó-y a incorporar na so metodoloxía nociones procedentes de l'antropoloxía, l'alquimia, la interpretación de los suaños, l'arte, la mitoloxía, la relixón y la filosofía.
Jung nun foi'l primeru en dedicase al estudiu de l'actividá onírica. Sicasí, les sos contribuciones al analís de los sueño fueron estensives y altamente influyentes. Escribió una prolífica obra. Anque mientres la mayor parte de la so vida centró'l so trabayu na formulación de teoríes psicolóxiques y na práutica clínica, tamién incursionó n'otros campos de les humanidaes, dende'l estudiu comparativu de les relixones, la filosofía y la socioloxía hasta la Crítica d'arte crítico del arte y la lliteratura.
© MMXXIII Rich X Search. We shall prevail. All rights reserved. Rich X Search